Олунньу ый – Дойду үрдүнэн биллэриллэр анал гражданскай-патриотическай ый

Олунньу ый – Дойду үрдүнэн биллэриллэр анал гражданскай-патриотическай ый. Ол курдук, биhиги оскуолабытыгар төрөөбүт-үөскээбит Горнайбыт улууһа тэриллибитэ 85 сылыгар уонна Советскай Союз Маршала, 4 төгүллээх Советскай Союз Геройа Сергей Константинович Жуков 120 сааhыгар аналлаах гражданскай-патриотическай ый биллэриллэн, олус тэрээhиннээхтик ыытылынна.

 

Бу ыйга эрэ буолбакка сыл устата ођолорбут нэhилиэк пааматынньыктарын: В.Д.Лонгинов бюhун, гражданскай сэрии кыттыылаахтарын пааматынньыгын кылааhынан шефтэhэн көрөллөр, ыраастыыллар.

Анал ый тематынан оскуола библиотеката кинигэ, сурунаал уо.д.а. бэчээт таhаарыыларын быыстапкатын тэрийдэ. «Патриотизм чаастара» диэн оскуола бэйэтин авторскай кылаас чаас программатынан кылаас чаастара кылаастарынан ыытылыннылар. Советскай Союз Маршалын С.К. Жуков туhунан гражданственность уруоктара буоллулар. Амма Аччыгыйа айымньыларынан уруhуй, инсценировка күрэђэ тэрилиннэ. «Горнайдар – өрүү Чыпчаалга!» кылаас чаастара, кылааhынан стенгазета күрэђэ ыытыллыбыттара. Үгэс быhыытынан, үөрэнээччилэр ортолоругар «Аман өс» куолуhуттар күрэхтэрэ, «Хоту дойду кустуга» художественнай-прикладной оңоhук быыстапката, С.К.Жуков төрөөбүтэ 120 сылыгар аналлаах байыаннай хаамыы уонна ырыа көрүүтэ, улахан кылаас уолаттарын ортотугар «Кыыс -  иэримэ дьиэ хаhаайката, аал уот араңаччыта буолуохтаах» диэн темађа «Дебаты» дьыалабыай оонньуу тэрилиннилэр. Ону тэңэ, саңа сонун тэрээhин, оскуола «Атамай Уолан» анал программатын чэрчитинэн – 1 кылаастан 10 кылааска үөрэнэр уолаттар ортолоругар «Мин инниким…» бырайыак күрэђэ үрдүк тэрээhиннээхтик буолан ааста.

 

Суруйда: Ефремова М.Н., иитии үлэђэ директоры солбуйааччы.